STOÐNÁM Í ÍSLENSKU
Markmið og lýsing
Markmið verkefnisins er að bjóða upp á aðlögunar- og stoðnám á neti í íslensku fyrir nemendur sem búið hafa erlendis í lengri tíma.
Byggt er á námsþáttum íslenskunnar skv. nýrri aðalnámskrá, hagnýt og greinbundin hugtakanotkun er þjálfuð og áhersla lögð á samskipti og menningarmiðlun.
Viðfangsefnin henta bæði fyrir einstaklings- og hópvinnu og eru einkum hugsuð fyrir nemendur elstu bekkja grunnskólans.
Afrakstur verkefnisins eru ýmsar námseiningar sem jafnframt eru fyrirmyndir um efni, lausnir og nám á neti. Verkefnið býður upp á áframhaldandi þróun og fjölbreytta úrvinnslu.
Verkefnið hlaut styrki úr þróunarsjóðum menntamálaráðuneytis og menntasviðs Reykjavíkur. Styrkveitendum og þeim fjölmörgu aðilum er komið hafa að verkefninu er þakkað framlagið.
Allar ábendingar sem auðga og bæta verkefnið eru vel þegnar.
Verkefnisstjórn
Brynhildur Anna Ragnarsdóttir
Þorbjörg St. Þorsteinsdóttir
+ Meira um Mýrina
Mýrin
Vefur um skáldsöguna Mýrina eftir Arnald Indriðason.
Á vefnum eru upplýsingar um höfundinn, bókina, kvikmyndina og kvikmyndatónlistina.
Á verkefnasíðu eru efnisspurningar, málvísi- og orðaforðaverkefni.
+ Meira um Sverðberann
Vefur um skáldsöguna Sverðberann eftir Ragnheiði Gestsdóttur.
Á vefnum eru upplýsingar um höfundinn, skáldsöguna og umfjöllun um fantasíur og spunaspil.
Á verkefnasíðu eru efnisspurningar, málvísi- og orðaforðaverkefni. Jafnframt er þar að finna bókmennta- og lífsleikniverkefni eftir höfund bókarinnar.
Vefslóð:
http://www.islenskuskolinn.is/stodnam/efni/sverdberinn
Vefur með tímaási, skilgreiningum og flokkum íslenskra barna- og unglingabókmennta. Aðallega fjallað um bækur frá 1980 til dagsins í dag.
Á vefnum eru einnig ýmis verkefni tengd bóklestri.
Vefslóð:
http://www.islenskuskolinn.is/stodnam/efni/bokmenntir
Vefur með fréttaefni úr netmiðlum, útvarpi og sjónvarpi, kvikmyndum, sjónvarpsþáttum og auglýsingum.
Nemendur kynnast íslenskri menningu í íslenskum kvikmyndum, sjónvarpsefni og auglýsingum frá ýmsum tímum.
Samtíminn er í brennidepli og verkefnin reyna á hlustun, mat og val á upplýsingum, ritun og eigin sköpun. Verkefnin setja nemendur í ýmis hlutverk þar sem áhersla er á tengsl myndmiðlanna við eigið líf og reynslu nemenda.
Vefslóð:
http://www.islenskuskolinn.is/stodnam/efni/menning
Vefur þar sem unnið er með efni íslenskrar tónlistarsögu.
Vefurinn er með tímaás íslenskrar tónlistar og býður upp á menningarmiðlun í fjölbreyttum og forvitnilegum verkefnum.
Verkefni tengja nútíð og fortíð, íslensk tónlist er sett í sögulegt samhengi og hún tengd lífi og veruleika unglinga.
Hugtakavefur þar sem helstu hugtök náttúrufræðinnar eru útskýrð á íslensku og pólsku.
Hugtökin eru sett fram í stafrófslista og tengd leitarvél. Hugtökin eru birt á 10 tungumálum; albönsku, eistnesku, ensku, íslensku, litháísku, pólsku, rússnesku, spænsku, tagalog og tælensku.
Jafnframt fylgja ýmis gagnvirk verkefni og hljóðsettar glærur þar sem valin hugtök eru skýrð með myndum og texta.
Vefurinn getur auðveldað nemendum að brúa bilið milli skólareynslu í tveimur eða fleiri menningarheimum.
Stærðfræðin
Hugtakavefur þar sem helstu hugtök stærðfræðinnar eru sett fram í stafrófslista og tengd leitarvél.
Hugtökin eru birt á 14 tungumálum; albönsku, dönsku, eistnesku, ensku, frönsku, íslensku, litháísku, pólsku, rússnesku, serbó-króatíska, spænsku, sænsku, tagalog og tælensku.
Vefurinn getur auðveldað nemendum að brúa bilið milli skólareynslu í tveimur eða fleiri menningarheimum.
Vefur þar sem nemendur kynnast tengslum Íslendinga og Breta í aldanna rás á sviðum fiskveiða, viðskipta og menningar.
Sjónum er varpað að samskiptum þjóða án þess að einskorða þau við einstök tímabil í sögu heimsins.
Þemaverkefni varpa sýn á samskiptin frá ólíkum sjónarhornum. Eftir stendur skýr tímaás í samskiptum þjóðanna.
Vefslóð: http://www.islenskuskolinn.is/stodnam/efni/isl-bretland
Samfélagsfræði
Vefur með fjölvalsverkefnum í landafræði, sögu og þjóðfélagsfræði sem byggja á efni frá Námsmatsstofnun.
Vefurinn getur nýst til upprifjunar á sértækum hugtökum og staðreyndum samfélagsfræðinnar eins og þær koma fyrir í íslenskum námsbókum.
Vefslóð: http://www.islenskuskolinn.is/stodnam/efni/samfelagsfraedi
Ríkisborgarinn
Hvað er það að vera Íslendingur?Vefur þar sem helstu hugtök tengd ríkisborgararétti og ytri táknum íslenska lýðveldisins eru kynnt og sett í samhengi við spurninguna hér að ofan.
Vefnum fylgja verkefni til umhugsunar og umræðu.
Vefslóð; http://www.islenskuskolinn.is/stodnam/efni/rikisborgarinn
+
Meira um réttindin og skyldur
Réttindi og skyldur
Vefur þar sem helstu hugtök tengd rétti og ábyrgð unglinga eru kynnt og sett í samhengi. Vefnum fylgja verkefni til umhugsunar og umræðu.Vefslóð:
http://www.islenskuskolinn.is/stodnam/efni/rettindi
+ Þemavinna
Þemavinna
Vefur þar sem nemendur eru leiddir í gefnum 6 skref rannsóknarvinnu.
Í þemavinnu er ætlast til að nemendur vinni sjálfstætt við að leita svara við spurningum sem þeir hafa áhuga á eða efni sem þeir fá úthlutað.
Rannsóknin getur verið að kanna sjálfvalið efni eða efni sem úthlutað er af einhverjum öðrum.
+
Námsumhverfið og netsamfélagiðNetnámsumhverfinu, sem liggur að baki námsefninu og heldur utan um vinnu, verkefnaskil og félagsleg samskipti nemenda, er skipt í fjóra hluta.
- Námið mitt er síða
þar sem sett eru fram yfirlit, áætlanir og markmið fyrir námið. Jafnframt er þar vísað á gagnlegt efni um námstækni og netnám.
- Viðfangsefnin er yfirlitssíða yfir allar námsefniseiningarnar (þar er safnað saman undir einn hatt yfirliti yfir allar námseiningarnar. Stakar námsefniseiningar eru einnig aðgengilegar utan kerfis.
- Mappan mín er vefhluti þar sem verkefnaskilum nemenda er safnað saman. Þar er jafnframt hlekkur í sýnismöppu nemenda sem geymir ritunar- og þemaverkefni þeirra.
- Netsamfélagið/Skólasíða er svæði þar sem áhersla er lögð á nálægð og sýnileika nemendanna í netnáminu frá ýmsum sjónarhornum. Þar er jafnfram vísað í afrakstur af vinnu nemenda, t.d. í uppsettum þema- og ritunarverkefnum á þemasíðum og/eða í annarri mynd.
Kerfið þjónar viðfangsefnunum, stýrir ekki framvindu náms en heldur utan um verkefni, vinnu og skil.
Vefslóð:
http://www.netskoli.is/stodnam