Innleiðing Íslenskuskólans
Íslenskuskólinn byggir á markvissri orðaforðakennslu sem hefur það að markmiði að efla íslenskufærni nemenda með íslensku sem annað mál. Sérstök áhersla er á nemendur sem eru fæddir á Íslandi og tala annað tungumál heima en einnig eru nýkomnir og nýlega komnir nemendur. Íslenskuskólahóparnir eru fjölmennir sérkennsluhópar frá 7-15 nemendum í hóp. Reynslan af þróunarverkefni Íslenskuskólans sýnir að með skipulagðri orðaforðakennslu, endurtekningu ákveðinna orða í lotum með fjölbreyttum kennsluaðferðum hafa nemendur tekið skýrum framförum á stuttum tíma. Þeir koma inn með 60% kunnáttu á orðaforða og eftir lotuna sem er í 6-8 kennslustundir eru þeir með að jafnaði 95-100% kunnáttu á orðaforðanum sem var fyrirlagður.
Námskeiðið er ætlað ÍSAT-kennurum grunnskóla á Íslandi og kennsluráðgjöfum sveitarfélagsins ef þess er óskað. Áhersla er lögð á hagnýtar kennsluaðferðir Íslenskuskólans sem auðvelt er að innleiða í daglegt skólastarfsins.
Markmið námskeiðsins er að veita þátttakendum skýran fræðilegan grunn, hagnýt verkfæri og leiðir til að byggja upp markvissa kennslu orðaforða með fjölbreyttum kennsluaðferðum til að festa orðin í minni nemanda með orðaforða í orðaþrepi 2 og fyrir elstu bekki er orðaþrep 3 sem er sértækur námsorðaforði.
Kennsluhættirnir eru þeir að notast er við falleg myndræn og stór myndaspjöld. 23-25 orð eru lögð inn í lotu og til að festa þau í minni eru notaðar fjölbreyttar kennsluaðferðir eins og málfræði, talað mál og hlustun, ritun o.fl. Íslenskuskólinn stuðlar einnig við aðferð að virkja tvítyngdra nemendur í námi með Jákvæðum aga og Uppeldi til ábyrgðar.
Ávinningurinn:
Fyrir nemendur
· Aukin íslenskufærni og markviss uppbygging orðaforða
· Betri lesskilningur og meiri orðaforði í töluðu máli
· Aukið sjálfstraust í námi og sterkari í félagslegum samskiptum með auknum orðaorða
· Meiri virkni og þátttaka í kennslustundum og skólastarfi
· Bætt tækifæri til námsárangurs í ólíkum námsgreinum og til framhaldsnáms
Fyrir kennara
· Skýrari sýn á hvernig styðja má nemendur með íslensku sem annað mál
· Hagnýtar og markvissar kennsluaðferðir sem nýtast í daglegri kennslu
· Betri verkfæri til að kenna orðaforða markvisst
· Aukið öryggi í að skipuleggja kennslu fyrir fjölbreyttan nemendahóp
Fyrir skólastarf
· Miklu fleiri ÍSATnemendur sem koma í sérkennslu svo um munar
· ÍSAT nemendur sem eru undanþegnir dönsku í 7.-10. bekk koma í Íslenskuskólann í stundatöflunni. Þá er ekki verið að minnka aðra kennslu á móti.
· Samræmdari vinnubrögð í stuðningi við nemendur með íslensku sem annað tungumál
· Betra samstarf milli sérkennslu og almennrar bekkjarkennslu
· Auknar líkur á því að stuðningur við nemendur verði markviss, skipulagður og sjálfbær
· Sterkari grunnur fyrir innleiðingu kennsluaðferða sem gagnast skólanum til lengri tíma
· Betri árangur í matsferli (samræmdum prófum) og PISA könnunum
· Íslenskuskólinn er orðaforðaskóli frá 1. – 10. Bekkjar og er því langtímalaus með árangri